कर्मचारी र ब्यवसायीलाई हातपात गर्ने वडाध्यक्ष पक्राउ

पोखरा । कर्मचारी र व्यवसायीलाई हातपात गर्ने पोखरा महानगरपालिका वडा नम्बर ४ का वडाध्यक्ष देवकृष्ण पराजुली पक्राउ परेका छन्।

व्यवसायी लेखनाथ सुवेदीको जाहेरीका आधारमा वडाध्यक्ष पराजुलीलाई पक्राउ गरिएको जिल्ला प्रहरी कार्यालय कास्कीका सूचना अधिकारी प्रहरी निरीक्षक राजकुमार कार्कीले जानकारी दिए।

वडाध्यक्ष पराजुलीले हिजो महानगरको प्रमुख प्रशासकीय अधिकृतको कार्यकक्षमा प्रशासन शाखा प्रमुख ईश्वरीप्रसाद पोख्रेललाई हातपात गरेका थिए। यसैगरी सोही दिन फुटपाथमा सामान राखेको भन्दै वडाध्यक्षले व्यवसायी सुवेदीलाई पनि हातपात गरेका थिए।

हातपातको विरोधमा पोखरा महानगरपालिकाका कर्मचारीले आज सेवा ठप्प पारे। महानगरपालिकाका कर्मचारीलाई तालिममा पठाउँदा सल्लाह नगरेको भन्दै आफूमाथि हातपात गरेको प्रशासन शाखा प्रमुख पोख्रेलले बताए।